112 хезмәте хәбәр итә

Автор, 27 гыйнвар 2017 - 10:22

934

16 - 22 гыйнварда янгын сүндерүчеләр 13 чакыру кабул итеп алган. Шуларның 2се ялган булган. 3 ДТПга барганнар. 1 янгын очрагы теркәлгән.

Идел елгасы акваториясенең утравындагы «Аленка» бакчачылык җәмгыяте бакча өендә ут белән саксыз кылану зур зыян килүгә китергән, өч бакча өе кара күмергә әйләнгән.

Эчке эшләр бүлегендә 11 җинаять теркәлгән. Шуларның 7се - шәһәрдә, 4се районда булган. 10 җинаять ачылган, 8е - «кайнар эздән».

1 сәламәтлеккә авыр зыян салу очрагы, 5 урлау, 5 наркотиклар буенча җинаять теркәлгән.

Васильевоның Октябрьская урамындагы йорт фатирыннан беркайда да эшләмәүче элек хөкем ителгән ике кешене дәваханәгә китергәннәр. 30 яшьлегенең башы ярылган, муенына пычак кадалган, икенчесе - 62 яшьлегенең баш мие селкенгән булган. Моны Васильевода яшәүче беркайда да эшләмәүче элек хөкем ителгән 24 яшьлек ир кылган. Алар арасында ызгыш бергә аракы эчеп утырган вакытта чыккан.
Комаров урамындагы кибеттән чалбар белән джемпер урлап чыкканда 16 яшьлек кыз тотылган.
Волжск - Яшел Үзән юлындагы АЗС үзәгеннән 303 литр бензин урлаганнар. Моны Лаеш районында яшәүче - 29, Казанда яшәүче - 42, Яшел Үзәндә яшәүче 29 һәм 38 яшьлек ирләр кылган.
Северная урамында 26 яшьлек егетне тоткарлаганнар. Тикшергәндә аңардан берничә төргәк наркотик матдә табып алынган.

Ашыгыч медицина ярдәме күрсәтү станциясе хезмәткәрләре шәһәрдән - 747, Васильеводан 292 чакыру кабул итеп алган.

Комаров урамыннан дару төймәләре эчеп үзен агулаган 41 яшьлек хатынны терапия бүлегенә китергәннәр.
Васильевода ире кыйнаган 25 яшьлек хатынга ашыгыч ярдәм күрсәтелгән.
Муенына билгесез кешеләр пычак кадаган 35 яшьлек исерек ир янына чакыру алынган.
Королев урамында билгесез кешеләр кыйнап башы җәрәхәтләнгән 52 яшьлек иргә ашыгыч ярдәм күрсәтелгән.
Васильвода күкрәгенә үзе пычак кадаган геморрагик шок хәлендәге 30 яшьлек ир хирургиягә китерелгән.
Медикларны Васильевода кан тамырын кискән 31 яшьлек ир янына чакыртканнар. Аңа ярдәм күрсәтеп, өендә калдырганнар.

296 тапкыр юл йөрү кагыйдәсе бозылган. 71 очракта матди зыян китерелгән. 1сендә кеше үлгән. 4 машина йөртүче исерек килеш тотылган.

Әлфия Зыякаева кизү торды.

Следите за самым важным и интересным в Telegram-каналеТатмедиа