Тел йотарлык суган пирогы

Кирәк: сыер мае – 200 гр, он – 300 гр, каймак (20%) – 6 аш кашыгы, чәй содасы – 1 бал кашыгы, аш серкәсе – 1 бал кашыгы, эретелгән сыр – 4 данә, суган – 6 баш, йомыр ка – 5 данә (4есе – эчлеккә, 1се – өстен майларга), тоз-борыч-яшел үләннәр – тәменчә.

• 1. Зур савытка онны салырга, катырылган сыер маен эре угычтан уарга һәм кул белән әвәләргә.
• 2. Уртасына уемтык ясап, каймак, аш серкәсе белән сүндерелгән чәй содасын, тоз салып, болгатырга.
• 3. Камыр әвәләп, азык пленкасына төрергә һәм иң кимендә 2 сәгатькә (иң яхшысы төне буена) суыткычка куярга.
• 4. Эчлек: суганны ярымбоҗралап турап, йомшаганчы кыздырырга. Тоз-борыч өстәп, тагын бераз утта тотарга да, савытка бушатырга. Шунда ук эре угычтан уылган сырны кушып, бутарга.
• 5. Йомыркаларны чәнечке белән болгатып, яшел үләннәр өстәргә.
• 6. Табадан алынган масса бераз суынгач кына, шуңа йомырканы агызырга.
• 7. Суыткычтан камырны алып, берсе зур, икенчесе кечерәк кисәкләргә бүләргә. Зуррагын формагызга туры килерлек итеп җәегез. Табагызны (форманы) майлап, «бортиклар» ясап, камырны шунда урнаштырыгыз.
• 8. Суганлы массаны шунда салып, тигезләп, форманы кырыйга алып куеп торыгыз һәм камырның кечерәк кисәген җәегез.
• 9. Шуның белән пирог ның өстен каплап, кырыйларын чеметеп тоташты рыгыз.
• 10. Пирогны 160-170 градуска кадәр кызган мичтә 20-25 минут пешерегез. Әзер булырга берничә минут кала өстен күпертелгән йомырка белән майлагыз. Суынгач, авыз итсәгез дә була.

Тәмле булсын!