Балык кәтлите

Кирәк була:
• Балык филесы – 600 гр
• Дөге – 1/3 чынаяк
• Йомырка – 1 данә
• Ак ипи – 2 кисәк
• Су – 1 чынаяк
• Яшел суган – 1 кечкенә бәйләм
• Укроп – 1 бәйләм
• Он яки панировка сохарие – 3-4 аш кашыгы
• Төелгән кара борыч – тәменчә
• Тоз – тәменчә
• Үсемлек мае (кыздыру өчен)
Әзерлибез:
1. Дөгене бүрттерәбез һәм суытабыз.
2. Балык филесын иттарткыч аша чыгарабыз һәм зуррак савытка салабыз.
3. Фаршка йомырка сытабыз, тоз һәм борыч өстәп, болгатабыз.
4. Ипи кисәкләрен суда җебетеп, сыгып алабыз, суган белән укропны турыйбыз. Шуларны һәм дөгене фаршка кушабыз, яхшылап болгатабыз.
5. Кулларны юешләп кәтлитләр формалаштырабыз, он яки сохарида әвәләп, уртача утта кызган табада әзерлибез.
6. Кәтлитләрнең бер ягын 5-8 минут кыздырыгыз һәм әйләндереп, пешереп бетерегез.
7. Әзер кәтлитләрне тәлинкәгә алып куегыз. Кайнар яки салкын килеш ашарга була.