Зөя утрау-каласына - 177 млн сум

ТР Мәдәният министрлыгы Зөя утрау-каласы һәм Болгарны яклау өчен 177 млн сум сарыф итәчәк.

Шушы көннәрдә республикабызның мәдәният министрлыгы ике мәдәни-тарихи һәйкәлләрне төзекләндерү буенча килешү төзеде. Килешү шартлары буенча ЮНЕСКО бөтендөнья мирасы исемлегенә кертелгән Болгар һәм Зөя утравы шушы елның ахырына заманча куллану өчен яраклаштырылырга тиеш.

Реконструкция эшләрен республика тагын Яңарыш фондына тапшырды. Бүленгән акча әлеге объектларга керү урыннарын төзүгә, Зөя утравында видеокүзәтү системасын куярга тотылачак.