Язгы чәчүгә керештеләр

Район хуҗалыклары кырда дым тоту, уҗымнарны ашлау эшләрен алып бара. Чәчүгә чыкканнары да бар.
Район авыл хуҗалыгы һәм азык-төлек идарәсе мәгълүматлары буенча, бу көнгә барлыгы 500 га - арпа, 650 га - берьеллык үлән, 200 га көнбагыш чәчелгән инде. Басуларны чәчүгә әзерләү дәвам итә: көзен сөрелгәннең 11900 гектары тырмаланган һәм 7700 гектар җирдә дым каплатылган. Техника өчен ташламалы бәядән (литры 26 сумнан) 974 тонна ягулык кайтартылган. Хуҗалыкларда орлык һәм ашламалар да җитәрлек күләмдә әзерләнгән. Хәзер бар да игенчедән тора.