Яшел Үзән

Язгы чәчү ахырына якынлаша

Быел кыр эшләре ике атнага тоткарланды. Календарьда майның инде уртасы узып китсә дә, район хуҗалыгы кырларында чәчү әле дә бар көченә бара дип әйтергә мәҗбүрбез. Әйе, ничек тиз килгән булса, быелгы яз шул тизлек белән китеп тә барды.

Җылы, ямьле көннәр салкын, яңгырлы көзгә әйләнде дә куйды. Май башында кар яуган еллар элек тә күзәтелгән. Әмма ул чакта икенче көнендә үк җылытып та җибәрә торган иде, дип искә ала өлкәннәр.
Һава торышының шулай саташып алуы, быел авыл хуҗалыгы өлкәсендә хезмәт итүчеләрне бераз сынады, күпмедер дәрәҗәдә тоткарлыклар китереп чыгарды, дисәк тә була. Әйе, бүген район аграрчылары өчен җаваплы чор. Язның бер көне ел туйдыра, дип юкка гына әйтмәгән халык. Моны игенчеләр үзләре дә яхшы аңлый. Шуңа да һәр коры көннең кадерен белеп калырга ашыга. ВЗП «Заволжья» хуҗалыгы без барган көнгә (15 май) чәчүнең 60 проценттан артыгын тәмамлаган иде. Әлеге саннар безнең газета чыкканда күпкә арткан булырга тиеш. Ни өчен дигәндә, бу атнада, Аллаһка шөкер, көннәр матур торды.
- Без уйлаган планнан ике атнага соңрак барабыз. 7 майга чәчү төгәлләнергә тиеш иде. Тик бар да син теләгәнчә генә бармый шул, авыл хуҗалыгында эш техника һәм кешегә генә бәйле түгел, мин бөтенләй мондый язны хәтерләмим, - дип сөйли ВЗП «Заволжья»ның төньяк территориясе директоры Әмир Хәмдиев.
Җитәкче җиткергән мәгълүматлар буенча, бодай (400 га), арпа (500 га), солы (200 га) мәйданда чәчелеп беткән. Бүгенге көндә кукуруз һәм көнбагыш чәчү белән мәшгульләр. Кукурузның орлыкка дигәне 3000 га, силоска 3500 га, ә көнбагыш 6000 га мәйданны тәшкил итә. Көзге культуралар 100 процент самолет белән тук­ландырылып беткән. Игеннәрнең тишелеше төрлечә икән.
Язгы чәчү биредә ике сменада оештырылган. Җитәкче белән сөйләшкәннән соң, кыр батырлары белән якыннан күрешү өчен Кече Шырдан авылына керә торган юл буендагы басуга киттек. Безне Олы Ачасыр егете Ринат Әүхәдиев галәмәт зур, чынлап та мондый техниканы күргән юк иде, тракторы белән каршы алды. Юк ла, моны трактор диеп кенә әйтү аз, озынлыгы 30, ә тырмасының киңлеге 12 м булган «Моррис» чәчүлек комплексы икән ул. Канадада җитештерелгән әлеге техника берүк вакытта чәчеп, культивация ясап бара. Без килгән көнне Ринат кырда ашлама белән җирне сукалый иде. Бер-берсенә бәйле булмаган өч секция­дән торучы әлеге агрегат кабарынкы кырларны шәп итеп тигезли, орлыкны бер тигез тирәнлектә чәчә, утыр­ту белән беррәттән ашламасын да кертеп бара ала. Күпме орлык һәм ашламаны кертеп барганы кабинадагы компьютер аша билгеләнә. Шушындый замана техникасын күреп авыз ачып озак карап торган булыр идек әле, эшсез килеп, эшленең эшен калдырыр дигән мәкаль искә төшмәсә. Чынлап та, бүген игенченең һәр минуты исәптә. Ринатның, әлеге кырны культивацияләп бетереп, инде икенчесенә -авылдашы Илгиз Миңнуллинга ярдәмгә кукуруз чәчәргә китәсе бар иде.
- Мин бу хуҗалыкта 2012 елдан бирле, эшемне яратып башкарам, авырлыгын күрмим, - дип фикерләре белән уртаклашып алды Ринат.
Без исә игенчеләребез белән авыр эшләрендә җиңеллек теләп саубуллаштык.
Район буенча чәчү барышына күз салсак, түбәндәге картинаны күрергә мөмкин. Авыл хуҗалыгы һәм азык-төлек идарәсеннән алынган мәгълүматлар буенча, бөртекле культуралар - 7185 га, ә барысы бергә 18285 га мәйданда чәчелгән. Бу, 18 май иртәсенә, барлык мәйданның 78 проценты дигән сүз. Районда «Тау Иле», «Дары природы» хуҗалыклары, фермерлар язгы чәчүне беренчеләрдән булып тәмамлаган.
Алия Гаязова
Гөлнара Вәлиева фотосы.

Нравится
Поделиться:
Реклама
Комментарии (0)
  • 23 мая 2018 - 17:48
    Чәчү дәвам итә Районда язгы кыр эшләре тулы куатенә бара.
    47
    0
    0
  • 23 мая 2018 - 16:35
    Кече Шырданлылар бердәмлеген күрсәтте «Шәһри Казан» газетасы оештырган «Безнең авыл-2» бәйгесенә йомгак ясалды.
    76
    0
    0
  • 23 мая 2018 - 16:31
    Картлыкны тоткарлаучы 8 ризык Кемнең генә  яшь каласы килми икән. Сезнең игътибарга картлыкны  тоткарлаучы кайбер ризыкларны тәкъдим итәбез.
    27
    0
    0
  • 23 мая 2018 - 15:30
    POZIS укрепляет сотрудничество с Национальным музеем Республики Татарстан Компания POZIS (АО "ПОЗиС"), входящая в Концерн "Техмаш" Госкорпорации Ростех, трепетно относится к поддержке очагов культурного наследия и откликается на их просьбы. Так, недавним подарком от предприятия казанскому Музею-квартире им. Мусы Джалиля стал холодильник POZIS.
    41
    0
    0
  • 23 мая 2018 - 14:20
    Июньдә өстәмә ике көн ял итәчәкбез Июньдә безне ике өстәмә ял көне көтә. Россия Федерациясенең Хезмәт кодексының 112 маддәсе буенча, 12 июнь – Россия көне – бәйрәм ял көне булып тора, дип яза Казан мэриясе сайты.
    61
    0
    0
  • 23 мая 2018 - 12:39
    Вакцинация кешелекне йогышлы авырулардан коткара Бүгенге көндә вакцинациягә караш үзгәреп бара. Аның зыяны күп дип ясатмаучылар да бар. Әмма вакцина кайчандыр кешелекне бик куркыныч йогышлы авырулардан саклап калган.
    42
    0
    0
  • 23 мая 2018 - 10:07
    Тузганак вареньесының файдасы һәм зыяны Бүген һәр уңган хуҗабикә тузганак вареньесы ясап калырга ашыга. Аның рецептлары  белән интернет тулган. Ә без аның зыянлы якларын да күрсәтергә булдык әле.
    73
    0
    0
  • 23 мая 2018 - 09:02
    Телебез – кыл өстендә Туган телебез - татар теле турында  сөйләшүләр  мәгариф өлкәсендә  генә түгел, башка  өлкәләрдә зур  урын алып килә. Татар теле  дәресләренең укытылуы Татарстаныбызда  кабул ителгән законнарга туры килмичә, ирекле -  ата-аналар карамагына  гына  калдырылуы  бөтен татар җәмәгатьчелеген тетрәндерде.Татар җәмәгатьчелеген дим,ә татар җәмәгатьчелегендә  кемнәр генә юк соң?
    45
    1
    0
  • 23 мая 2018 - 08:24
    Бала хокуклары буенча сорауларыгыз булса 28 майда 9дан 17 сәгатькә кадәр Татарстан Республикасында бала хокуклары буенча вәкаләтле вәкил аппаратында кайнар линия оештырыла.
    48
    0
    0
  • 22 мая 2018 - 17:30
    Мирный бистәсендә вакытлыча су бетә Мирный микраройонында, планлы ремонт эшләре бару сәбәпле, берничә йортта кайнар су бетә. Бу хакта Яшел Үзән җылылык челтәре предприятиесе хәбәр итә.
    91
    0
    0
  • 22 мая 2018 - 16:25
    Яшел Үзән районында ике яшьлек бала автобустан егылып төшкән Гадәттән тыш хәл Васильево бистәсендәге 43нче йорт каршында иртәнге якта булган.
    135
    0
    0
  • 22 мая 2018 - 15:17
    Яшел Үзәндә яңа баш табиб Бүген Яшел Үзән районының үзәк район дәваханәсенең баш табибы билгеле булды. Ул – Сабурская Татьяна Вячеславовна.
    182
    0
    3
  • 22 мая 2018 - 14:09
    Безнекеләр – чемпион Яшел Үзән спортчылары пауэрлифтинг буенча дөнья беренчелеге һәм чемпионатыннан, ә ул Африкадагы Почефострум шәһәрендә узды, иң яхшы спортчылар исеменә лаек булып кайттылар.
    85
    0
    0
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 39 человек
  • «ЯҮ» журналистлары язгы кыр эшләре барышы белән танышты!
  • Яшел Үзән – Җиңү язы һәркем күңеленә яшәү дәрте, рухи көч өсти
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • 8 мая 2018 - 10:44
    Сатам Авылда йорт сатам.
  • 8 мая 2018 - 10:27
    Сатам ЖБИ-кольца, брусчатка заводского производства.
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк. Югары хезмәт хакы.
Ночной режим