Утрауда – ИКОМОС экспертлары

ТР Дәүләт киңәшчесе, ТР тарихи һәм мәдәни мирас һәйкәлләрен торгызу республика попечительләре советы рәисе Минтимер Шәймиев ИКОМОС экспертлары белән Зөя утрау-каласында булды.
Кунакларны Яшел Үзән муниципаль район башлыгы Сергей Батин каршы алды.
Экспертларны бигрәк тә Успенский соборы таң калдырды. Монда XVI гасырның уникаль фрескалары сакланган фрагментлар бар. Үз вакытында аларны иң танылган иконачылар ясаган булган. Иң соңыннан кунаклар атлар абзарын да карап чыкты.
М.Шәймиев белдерүенчә, соңгы ике елда бик зур эш башкарылган, һәйкәлләрне торгызу барышында ЮНЕСКО Бөтендөнья мирасы комитеты таләпләре үтәлгән. Дөнья күләмендә танылу алу өчен монда барысы да эшләнә.