Түләргә теләмәсәң, ашыкма

Яшел Үзәндә ел башыннан бирле билгеләнгән вакытта штраф түләмәү турындагы 131 эш судта каралган. Штраф түләмәүчеләрне кулга алу турында 16 карар чыгарылган. Кайберәүләрнең штраф күләме 100 мең сумга җитә.
ЮХИДИның Яшел Үзән бүлеге суд приставлары хезмәте белән тыгыз хезмәттәшлектә эшли. Суд приставлары хезмәте төрле төбәкләрдән кергән административ материаллар буенча 2053000 сум акчаны юллап алган, шуның 585 мең сумы ЮХИДИның Яшел Үзән бүлегенең административ материаллары буенча алынган.