«Сәламәтлек марафоны-2012»

Яшел Үзәннең 80 еллыгына багышлап, 7 октябрьдә «Сәламәтлек марафоны-2012» ачык җиңел атлетика кроссы үткәрелә.

Сәламәт яшәү рәвешен пропагандалауга, шәһәрдә һәм районда яшәүчеләрне спортка тартуга, җиңел атлетиканы популярлаштыруга, көчле спортчыларны ачыклауга багышланган ошбу ярышлар «Маяк» спорт комплексы базасында узачак. Иртәнге 10да башлана. Физик мөмкинлекләреңә карап, 3 чакрымга да, 20 чакрымга да чабарга мөмкин. Җиңүчеләргә, һәрвакыттагыча, дипломнар, медальләр һәм бүләкләр тапшырыла. Катнашучылар да бүләксез калмаячак.