Римма – IV урында

Шәһәрнең яшь спортчылары тимераякта шуу буенча Пермь шәһәрендә узган «Кубок Прикамье-2013» ачык край беренчелегендә катнашты. Ярышлар 28-29 ноябрьдә булды.
Ижау, Екатеринбург, Томск, Казан, Северск, Снежинск кебек шәһәрләрдән 150дән артык спортчы катнашкан ярышта «Ледокол» боз сараенда шөгыльләнүче Хәлилова Римма (тренеры Д.М.Ралина) мактаулы IV урынны алды, аңа I спорт разряды бирелде. Әлеге ярышта катнашкан Зиннәтова Әдилә, VI урынны (II яшүсмерләр разряды) алды. Шулай ук Җамалиева Миләүшә - VII урынны, Тюлютина Катя VIII урынны (аларның икесе дә КМСтан) яулады.