Производствода имгәнгән

Агымдагы елның 7 аенда Яшел Үзән муниципаль районда производствода 23 бәхетсезлек очрагы теркәлгән, шул исәптән 3 кеше һәлак булган (берсе эш урынында йөрәк авыруыннан вафат). 5 кеше нык имгәнгән, 15е - җиңелчә.
Муниципаль район башкарма комитеты җитәкчесенең беренче урынбасары Сергей Егоров белдергәнчә, «СтройСпецСервис», ПОЗиС (йөрәк өянәге), «Рембурсельвод» ширкәтендә булган үлем очрагы. ПФМК, «Связь Петролиум» ширкәтендә, көрәш мәктәбендә (тәрәзә юганда егылган), ПОЗиСта каты имгәнүчеләр бар.
Производстводагы травмаларны кисәтү һәм булганнарын җентекләп тикшерү максатыннан, муниципаль районда хезмәтне саклау буенча координацион совет эшли. Рәисе - Сергей Егоров.