Норлатта батыр якташларга истәлек тактасы куелды
Ватанны саклаучылар көненә багышланган «Батырлык атнасы» Бөтенроссия патриотик акциясе кысасында һәм шулай ук Әфганстаннан совет гаскәрләрен чыгаруның 28 еллыгы алдыннан Норлат гомумбелем бирү мәктәбендә кайнар нокталарда һәлак булган якташларга багышланган истәлекле такта ачу тантанасы булды.
Кече сержант Марат Фәйзуллин 1985 елның декабрендә хәрби бурычын, ә милиция кече лейтенанты Камил Салихов 2000 елда Чечен Республикасы территориясендә террорчылыкка каршы операция барышында хезмәт бурычын үтәгәндә һәлак була. Яшел Үзән эчке эшләр бүлеге, «Сугышчан бердәмлек» ветераннары оешмасы һәм мәктәп администрациясе оештырган әлеге тантана шушы һәлак булган якташлар истәлегенә багышланган иде.
Чараның хөрмәтле кунагы Марат Фәйзуллинның әнисе Диләрә ханым Фәйзуллина, һәлак булучыларның якташлары, хәрби хәрәкәтләр ветераннары, Росгвардиянең СОБР сугышчылары һәм ЯҮМРнең хәрби комиссариат вәкилләре булды.
Истәлекле тактаны ачу хокукы бирелгән Норлат авылында Әфган сугышы ветераннары советы рәисе отставкадагы авиация майоры Рафаэль Таһиров якыннарының, ватанының саклаучысы булу һәр кешенең изге бурычы диде. Ул мәктәп укучыларын герой-якташлары кебек шәхесләр булырга чакырды.
Тантаналы өлештән соң катнашучыларның барысы да истәлек тактасына тере чәчәкләр салды. Аннан соң хәрби хәрәкәтләр ветераннары Батырлык сәгатьләре уздырды, документаль фильмнар һәм хәрби корал күргәзмәсе күрсәтелде. Норлат зонасыннан 6 команда катнашкан «Сугышта - батыр, стройда - төз» җыр һәм строй конкурсының зона этабы чараның кульминациясе булды. Конкурс нәтиҗәләре буенча җиңүчеләр билгеләнде. I урынны Зөянең төп мәктәбе алcа, Зөя урта мәктәбе - II, Татар Танае мәктәбе III урында.
Лилиана Куликова.
Фотода өлкән участок уполномоченные Фидан Миндибаев хәрби-интернационалист әнисе Диләрә Фәйзуллинага чәчәкләр һәм истәлекле бүләк тапшыра.
Следите за самым важным и интересным в Telegram-каналеТатмедиа
Нет комментариев