Медицина советында

Кичә Яшел Үзән муниципаль районның сәламәтлек саклау учреждениеләренең медицина советы булып, анда 2012 елга нәтиҗә ясалды, агымдагы елга бурычлар куелды. Советта медицина хезмәткәрләреннән тыш, район башкарма комитеты җитәкчесе А.Тыгин, ТР Сәламәтлек саклау министры урынбасары Р.Җәләлетдинов катнашты. Баш табиб И.Һидиятов чыгышы ел нәтиҗәсенә багышланды. Шулай ук халыкка онкология ярдәме күрсәтү, авылда медицина ярдәме торышы мәсьәләсе дә күтәрелде. Яшел Үзән медицинасы рейтингының бу юлы республика буенча 37-38нче урынга тәгәрәвенең сәбәпләре аталды.