Ике яклы килешүгә кул куелды

Яшел Үзәндә тантаналы төстә Яшел Үзән муниципаль район җитәкчелеге һәм Икътисад, идарә һәм хокук институты (Казан) белән ике яклы килешү төзелде.
Очрашуда ЯҮМР башлыгы С.Батин, институт проректоры И.Бакеев, Яшел Үзән филиалы директоры Р.Мансуров, студентлар һәм шәһәр активистлары катнашты. Килешү югары квалификацияле белгечләр, фәнни кадрлар әзерләүдә уртак эшне күздә тота. С.Батин белдергәнчә, бу «үзеңне күрсәтүгә генә түгел, уртак йортыбыз - районыбыз һәм шәһәребезне үстерү перспективасына да юл ача».