Иң матур авыл йорты

Хөрмәтле яшел үзәнлеләр!

"Яшел Үзән" газетасы чираттагы бәйгене игълан итә. Ул "Иң матур авыл йорты" дип атала. Авыл йорты дигәндә без милли бизәкләр белән бизәлгән, чиста-пөхтә шәхси йортны күз алдына китерәбез. Монда чын татар кешесе яши дип, ерактан көлеп тора алар. Мондый йортлар шәһәребездә дә бик күп. Шулай булгач, рәхим итегез!

Фотосурәтләрне сайтка урнаштырып барырбыз. Ә тавышларны билгеле бер көнне команда бирелгәч кенә бирә башларбыз. Килештекме?! Ә без, үз чиратыбызда, җиңүче йорт хуҗалары турында газетада язып чыгарга вәгъдә бирәбез.