«Электрон белем бирү»

Агымдагы елның 1 сентябреннән республика территориясендә «Электрон өстәмә белем бирү» проекты эшли башлый.
20 августтан 15 сентябрьгә кадәр өстәмә белем бирү учреждениеләре балаларны төрле түгәрәк һәм секцияләргә ала башлый. Барлык ата-аналар да электрон төрдә яки язмача теге яки бу секциягә бирү турында гариза язарга тиеш. Электрон гариза «Электрон белем бирү» порталы аша башкарыла. Шуны истән чыгармаска кирәк: СанПиН нормаларына ярашлы рәвештә, балага икедән артык түгәрәк яки секциягә йөрү киңәш ителми.