Майонезсыз «Чибәркәй» кабымлыгы

КИРӘК: 300 гр ысланган тавык ите, 300 гр пекин кәбестәсе, 1 груша, 50 гр әстерхан чикләвеге, 4-5 а.к. үсемлек мае, 2 ч.к. француз горчицасы (бөртекле), кара борыч һәм тоз.

Пекин кәбестәсенең яшел өлешен, тавыкны, грушаны саламлап турарга һәм әстерхан чикләвеген вакларга. Үсемлек мае, француз горчицасы, кара борыч һәм тәменчә тоз кушып, салат өчен соус ясарга. Барлык ингредиентларны бергә салып болгатырга.