Яшел Үзән заводында яңа корабка нигез салына

26 февральдә Горький исемендәге Яшел Үзән суднолар төзү заводында Себер проект-конструкторлык бюросы проектлаган 22160 проектындагы патруль іорабына нигез салу тантанасы була.

Әлеге заманча кораб территориаль суларны саклау, ачык һәм ябык диңгезләрдә икътисади зоналарны патрульләү, контрабанда һәм пиратларны ачыклау, диңгез бәла-казаларында зыян күрүчеләргә ярдәм итү, әйләнә-тирәне экологик яктан тикшерү өчен билгеләнгән.

Шул ук көнне заводта суыту-катыру кушылмалары линиясен файдалануга тапшыру тантанасы да булыр дип көтелә. Бу линия исә чуен һәм корыч әйберләр җитештерү өчен FAT компаниясе (Германия) тарафыннан заводка дип махсус җитештерелгән.