Иман нуры
Йөрәгеңне ачудан, нәфрәттән, саранлыктан арындыр: бәхет рецептлары
***
- Иман һәм игелекле эш-гамәлләр - бәхеткә ачкыч ул, аңа ия булырга тырыш.
- Яңа белем ал, күбрәк укы, шулай гына син кайгыларыңнан арына аласың.
- Тәүбәңне яңартып тор, ә гөнаһ кылудан саклан, чөнки ул яшәүне агулый.
- Ешрак Коръән укы; укыганда, аның аятьләре турында уйлан, Аллаһка зикер ит.
- Кешеләргә игелек кыл - үзеңне бәхетле тоярсың.
- Тәвәккәл бул, тәвәккәллек шатлык һәм үз-үзеңә ышаныч бирә, бәхетле булырга ярдәм итә.
- Йөрәгеңне ачудан, нәфрәттән, саранлыктан арындыр.
- Бар нәрсәдә артыклыктан саклан - ризыкта, кешеләр белән аралашуда, сүздә һәм эш-гамәлләрдә. Артык йөк юлчыга авырлык кына китерә.
- Бүгенге көн белән яшә, үткән һәм киләчәк турында уйлап, вакытыңны сарыф итмә.
- Хезмәт һәм файдалы эшчәнлек борчу, мәшәкатьләрне оныттырыр.
- Вакыйгалар үстерелешенең иң начар вариантына әзер бул, әгәр дә ул чынга ашса, бу синең өчен тетрәндергеч булмас.
- Начар фикер, ниятләрдән саклан.
- Ачуланма. Кичерергә, мәрхәмәтлелек, шәфкатьлелек күрсәтергә өйрән, гомер кыска ул - онытма шуны.
- Сиңа килгән шатлык китәр дип борчылма, сиңа килмәгән кайгы тәрәзәңне шакыр дип курыкма - Аллаһка өметлән.
- Чебеннән фил ясама, авырлыкның күләмен арттырма.
- Күкләр җиргә ишелеп төшәр дә, дөньяны зур туфан яулап алыр дип, минут саен көтмә. Бел, һәр нәрсәнең үз вакыты: син тарырга тиешле вакыйга сине урап үтмәячәк, ә ишелергә тиеш булмаган нәрсә ишелмәячәк, борчылырга сәбәп юк.
- Гади яшәү рәвеше алып бар, артык муллыктан саклан, чөнки дөнья нигъмәтенең артыклыгы тулысынча сине биләп ала, ә тән иркәлеге җанга җәза бит ул.
- Аллаһ Раббыбыз сиңа биргән барлык бәрәкәтне юлыңда очраган сынаулар белән чагыштыр. Шулвакыт аңларсың: синең югалтуларың түгел, ә табыш, казанышларың күбрәк бит.
- Әгәр сиңа моңсу икән, үзеңә һәм башкаларга файда китерерлек бер хезмәт турында уйла һәм шул эшкә башың белән чум.
Следите за самым важным и интересным в Telegram-каналеТатмедиа
Нет комментариев