Яшел Үзәндә “Трактор–прицеп” операциясе бара

2014 елның 9ыннан 30 июньгә кадәр баручы әлеге операция үзйөрешле машина прицеплары катнашында бәхетсезлек очракларын булдырмый калуны күздә тота.

Үзйөрешле машина-трактор, юл-төзелеше техникасы, үзйөрешле машина прицеплары катнашында бәхетсезлек очракларын булдырмау максатында ЮХИДИ бүлекчәсенең юл-патруль хезмәте, "Гостехнадзор" идарәсе белән берлектә, "Трактор-прицеп" операциясе уздыра. Бу көннәрдә тракторларны, үзйөрешле авыл хуҗалыгы һәм юл салучы башка төрле машиналарның файдалануын , аларның тиешле документлары булу-булмавын тикшерәләр. Кагыйдәләр бозылган очраклар ачыкланса, хуҗа РФның Административ хокук бозулар турында кодексына ярашлы рәвештә административ җаваплылыкка тартыла.