Яшел Үзән

ХӨРМӘТ ТЫРЫШЛЫК БЕЛӘН ҖЫЕЛА

«Овощевод» хуҗалыгы терлекчеләре һәрвакыт беренчеләр рәтендә. Анда савым сыерлары санын да киметмәгәннәр, бозаулаучы сыерлары да, Аллаһка шөкер, ишле. Менә җәйге айларда бер сыердан алган сөт күләме буенча да, районда беренче бара «Овощевод» уңганнары. Табигый, машина белән сыер саву осталарының республика буенча үткәрелгән 41нче бәйгесендә безнең районыбыз данын шул хуҗалык хезмәткәре...

«Овощевод» хуҗалыгы терлекчеләре һәрвакыт беренчеләр рәтендә. Анда савым сыерлары санын да киметмәгәннәр, бозаулаучы сыерлары да, Аллаһка шөкер, ишле. Менә җәйге айларда бер сыердан алган сөт күләме буенча да, районда беренче бара «Овощевод» уңганнары. Табигый, машина белән сыер саву осталарының республика буенча үткәрелгән 41нче бәйгесендә безнең районыбыз данын шул хуҗалык хезмәткәре Гөлфирә Гарифҗан кызы Гыйбадуллина яклады.

Район авыл хуҗалыгы идарәсе белгече Наил Хәйретдинов әйтүенчә, быелгы бәйге бигрәк тә киеренке була. Питрәч районындагы Шәле авылы хуҗалыгында үткәрелгән әлеге чара ике көн дәвам итә. Районнардан килгән 44 сыер савучы өч төрле ярышта катнаша анда. Теория буенча 20 сорауга дөрес җавап биргән кеше генә беренче этаптан икенчесенә үтә. Икенчесендә ул АДУ-1 сөт саву аппаратын җыеп-сүтеп күрсәтә. Биредә узышчы 5 минут 30 секунд вакытка сыешырга тиеш. Ниһаять, өченче этапка узган кеше сыер савып күрсәтә. Бәйгедә катнашучының бар эше дә җентекләп бәяләнә. Хәтта, эштән соң аппаратны чиста итеп юып куюы да тикшерелә.
Шундый катлаулы һәм киеренке ярышта югалып калучылар да булган. Безнең уңган сыер савучыбыз тәҗрибә белән алдыра. Гөлфирә Гыйбадуллина, байтак кешене узып, республиканың иң оста ун сыер савучылары рәтенә күтәрелә. Хезмәтенә күрә хөрмәте. Бәйгедә күрсәткән булдыклылыгы әйбәт бәяләнә аның. Зур телевизор, тегү машинасы һәм акчалата бүләк ала якташыбыз. Котлыйбыз аны!
Гөлфирә Гарифҗан кызы Гыйбадуллина инде 40 ел эшли. Шуның соңгы 19 елы - сыер савуда. Аның әтисе һәм әнисе дә терлекче булып эшләгәннәр. Ире һәм ике улы да «Овощевод» хуҗалыгында хезмәт итәләр. Бусы да мөһим, сыер савучының шул ике көнгә маллардан аерылып торуы да хуҗалыкка авырлык китереп чыгаруы мөмкин бит. «Гөлфирә Гарифҗан кызының бәйгегә баруы кыенлыклар тудырмады, аның эшен ире алып барды», - дип белдерде Наил Хәйретдинов. Менә шундый уңган Гыйбадуллиннар гаиләсе эшли «Овощевод» хуҗалыгында.
Ильяс САЛИХҖАН

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 15 человек
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноября 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим