Укучы фикере: «Яшел Үзән»не зарыгып көтеп алабыз»

Фото: ясалма интеллект программасыннан алынды

Безнең Бузай авылында һәр йортка диярлек «Яшел Үзән» килә. Шуңа күрә, кичләрен капка төбенә җыелгач, газетаны башыннан ахырына кадәр сөйләшеп чыгабыз. Һәркемнең үз фикере була. Күркәм гаиләләрне еш яктыртасыз, сокланып укыйбыз. Менә безнең авылда да яшәешләре, хезмәтләре белән башкаларга үрнәк итеп куярлык кешеләр бар. Килегез, языгыз әле, кызлар. Авылыбыз да искиткеч матур бит безнең.

Редакциядән: җылы сүзләрегез, газетага булган хөрмәтегез өчен зур рәхмәт сезгә, укучыларыбыз. Аллаһ кушып, Бузай якларына да килеп чыгарбыз әле. Зинһар, тагын бер кат безнең белән элемтәгә чыгыгыз әле. Телефоныбыз: 5-68-03.