Фоторәсемнәр
-
Торак комуналь хезмәткәрләре көне
Яшел Үзәннең Мәдәни үсеш үзәгендә Торак-коммуналь хуҗалыгы хезмәткәрләрен һөнәри бәйрәмнәре белән котладылар. Тантаналы чарада Яшел Үзән районы башлыгы Михаил Афанасьев һәм башкарма комитет җитәкчесе Зөлфәт Хәбибуллин катнашты. Алар бу өлкәдә фидакарь хезмәт куючыларга рәхмәт сүзләрен җиткерделәр һәм алдынгы хезмәткәрләргә мактау грамоталары тапшырдылар.
-
Яшел Үзән муниципаль районы Советының һәм Яшел Үзән шәһәре Советының бишенче чакырылыш сессиясе
Бүген Яшел Үзән муниципаль районы Советының һәм Яшел Үзән шәһәре Советының бишенче чакырылыш сессиясе узды. Көн тәртибендә районның социаль-икътисади үсеше һәм халыкның тормыш сыйфатын яхшырту буенча мөһим мәсьәләләр каралды.
-
Яшел Үзән ЗАГСы язмышы хәл ителә
Шундый зур шәһәребездә аерым ЗАГС бинасы юк. Бу мәсьәләне бүгенге очрашуда район башлыгы Михаил Афанасьев күтәрде.
-
"Порт" яшьләр үзәгендә "Гаилә автобусы" проекты кысаларында белгечләр катнашында очрашу
Яшел Үзәндә «Гаилә автобусы» проекты кысаларында белгечләр катнашында очрашу узды. Чарада район башлыгы Михаил Афанасьев һәм Татарстан Министрлар Кабинетының ЗАГС идарәсе җитәкчесе Эльвира Ахметова катнашты. Проект «Гаилә автобусы: традицияләр юлда» кысаларында шәһәргә республиканың алдынгы белгечләре килде. Яшел үзәнлеләр өчен репродуктолог, гаилә һәм балалар психологлары, гаилә юристы, медиатор катнашында бушлай консультацияләр оештырылды.
-
Яшел Үзәндә Мәдәният хезмәткәрләре көне билгеләп үтелә
Бүген шәһәребезнең Музыкаль театрында иң иҗади, илһамлы һөнәр ияләрен — мәдәният хезмәткәрләрен хөрмәтлиләр. Тантаналы чарада Яшел Үзән Башкарма комитеты җитәкчесе Зөлфәт Хәбибуллин катнаша. Ул мәдәният өлкәсендә фидакарь хезмәт куючыларга рәхмәт белдерде һәм дәүләт бүләкләрен тапшырды. Бу бәйрәм — безнең рухи дөньябызны баеткан, тормышыбызга ямь һәм матурлык өстәгән кешеләр өчен. Бәйрәм белән, хөрмәтле мәдәният хезмәткәрләре!
-
Түбән Урысбага авылында туып-үскән, гомер буе колхозда намуслы хезмәт куйган, алты бала үстергән Зөлхия Хәкимова үзенең 100 яшьлек юбилеен билгели
Шул уңайдан акъәби белән без дә очраштык һәм газетабызга язма әзерлибез, дуслар, укыймыйча калмагыз.
-
Яшел Үзәндә Нәүрүз — 2026!
Яшел Үзәндә Нәүрүз — 2026! Шәһәребезнең үзәк базары бүген чын умарта оясын хәтерләтә! Биредә язгы яңарыш бәйрәме — Нәүрүз гөрли. Күңелләрне җилкетеп музыка яңгырый, ә һавада тәмле ризыклар исе аңкый.
-
Бакырчы авылының «Суфия» мәчетендә ифтар мәҗлесе
Бакырчы авылының «Суфия» мәчетендә зур ифтар мәҗлесе узды. Рамазан аеның шушы мөбарәк көннәрендә район башлыгы Михаил Афанасьев ифтар ашы оештырды.
-
Ренат Мистахов ифтары
Җәмигъ мәчетендә ТР Дәүләт Советы депутаты Ренат Мистахов ифтар уздырды
-
Гөлшат Мөхәммәтшина әсәре буенча куелган «Пар аккош» спектакле
Татар Танае авылы мәдәният йортында зур бәйрәм! Сәхнә түрендә — Гөлшат Мөхәммәтшина әсәре буенча куелган «Пар аккош» спектакле.
-
Музыкаль театрда гүзәл затларны якынлашып килүче 8 март бәйрәме белән котладылар
Яшел Үзәннең Музыкаль театры сәхнәсендә Халыкара хатын-кызлар көненә багышланган концерт узды. Бәйрәм алдыннан РФ Дәүләт Думасы депутаты Илдар Гыйльметдинов белән шәһәребез мэры Михаил Афанасьев алдынгы хезмәткәрләрне һәм «Ел хатын-кызы. Ел ир-егете: хатын-кыз карашы» бәйгесендә җиңүчеләрне тәбрикләде.
-
8 Март — Халыкара хатын-кызлар көненә багышланган бәйрәм концерты
Яшел Үзәннең мәдәни үсеш үзәгендә якынлашып килүче 8 Март — Халыкара хатын-кызлар көненә багышланган бәйрәм концерты узды. Чара кысаларында гүзәл затларыбызга иң җылы котлаулар, матур җырлар һәм биюләр бүләк ителде.🎤💃 Бу бәйрәм кичәсе барлык хатын-кызларга күтәренке кәеф өсти.
-
Норлат урта мәктәбендә ТР Дәүләт Советы депутаты, "Ак Барс" Суднолар төзү корпорациясе" генераль директоры Ренат Мистахов катнашында парламент дәресе
***
-
"Ак Барс" Суднолар төзү корпорациясе" генераль директоры Ренат Мистахов «Өмет» волонтерлар штабы активистларын бүләкләде
Бүген Норлат урта мәктәбендә ТР Дәүләт Советы депутаты, "Ак Барс" Суднолар төзү корпорациясе" генераль директоры Ренат Мистахов «Өмет» волонтерлар штабы активистларына изге эшләре өчен рәхмәт йөзеннән һәм якынлашып килүче бәйрәм уңаеннан «Дельфин» шифаханәсенә юллама тапшырды.
-
"Игелек йорты"нда кунакта
«Яшел Үзән» журналистлары «Тере тел – башта сүз иде» проекты кысаларында «Игелек йорты»нда яшәүчеләр белән түгәрәк өстәл артында аралашып кайтты (әлеге проект социаль программаларны үстерү фонды кысаларында гамәлгә ашырыла). Очрашуның төп максаты — онытыла барган милли йолаларыбызны искә төшерү, татар теленә мәхәббәт уяту, рухи бәйләнешләрне ныгыту иде.