Закон үтәмәсәң, штраф түлисең

Яшел Үзән прокуратурасы шәхси эшмәкәрләр эшчәнлегендә санитария-эпидемиология законнары таләпләренең үтәлешен тикшергән булган һәм кайбер таләпләрнең үтәлмәве ачыкланган.
- Транспорт чараларын ремонтлау өлкәсендә закон үтәлү тикшерелде, - дип сөйли прокурор ярдәмчесе Ленар Мөлеков. - Шәхси эшмәкәр Рамил Яруллинның эшчәнлек алып барганда атмосфера һавасының сыйфатын контрольдә тоту чараларын үтәмәве беленде. Эшкәртелгән ягулык-майлау материаллары утильләштерелгәндә проектта тирәлеккә тәэсире күрсәтелмәгән стационар мич кулланылган. Шәхси эшмәкәргә карата административ эш кузгатырга туры килде. Нәтиҗәдә аңа 1 мең сум күләмендә штраф салынды.
Әлфия ЗЫЯКАЕВА әзерләде.