Яшел Үзәнлеләр бер атнада ялганчыларга 1 миллион сумга якын акчасын биргән

Бу хакта эчке эшләр бүлеге биргән мәгълүматтан күрергә була.

36 яшьлек яшел үзәнлегә билгесез затлар, аның исеменә санкцияләнмәгән кредит алуны булдырмый калырга кирәк дип шалтыраткан. Нәтиҗәдә, ул үзе 196409 сум акчасыннан колак каккан.

27 яшьлек менеджер да картасыннан 143410 сум акчасының мошенниклар исәбенә ничек күчүен сизми дә калган. Аңа да, гадәттәгечә, билгесез затлар шалтыратып, банк картасыннан санкцияләнмәгән акча алынуны юкка чыгарырга кирәк дип шалтыраткан булган.

30 яшьлек яшел үзәнле дә полициягә мөрәҗәгать итәргә мәҗбүр булган, чөнки аның 45 мең сум акчасын ялганчылар үзләштергән. Монысының да схемасы гади: «Авито»га аккардеон сатам дип куйган игъланы буенча шалтыратканнар, «сатып алабыз» дигән булып, ялганлап, шәхси мәгълүматларына ия булганнар.

Барлык фактлар буенча да җинаять эше ачылган, дип хәбәр итәләр эчке эшләр бүлегендә.