Яшел Үзән районында янгын вакытында ике кеше һәлак булган

5 октябрьдә янгын сагы номеры буенча 01:04 сәгатьтә Яшел Үзән районының Новониколаевский бистәсендә шәхси мунча януы турында хәбәр килә.

«Татарстан Республикасы буенча ГПС ФПС шартнамәчел бүлекчәләре идарәсе» ФДБУнең Казан филиалы хезмәткәрләре янгын 12 кв.м мәйданда башлануын ачыклый.

Утны 01:38 сәгатьтә сүндерәләр. Ачык янгынны 01:55 тә бетерәләр. Күмерләнгән корылмаларны тикшергәндә ике һәлак булучының - 36 яшьлек ир-ат һәм 33 яшьлек хатын-кыз гәүдәсен табалар.

Янгынның сәбәбе ачыклана.