Яшел Үзән районында батып үлгән ир-атның мәетен эзлиләр

Бу хакта Россия гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кичә кичке 17.00дә ашыгыч хезмәтләргә Васильево бистәсе янында 74 яшьлек ир-ат югалган дигән хәбәр килә. Эзләүгә ГИМС инспекторлары, коткаручылар һәм кинологлар белән полицейскийлар керешә. Бу хәл булган урында алар көймәгә тап була. Хокук сакчылары югалган кешенең батып үлүеннән шикләнә.

Бүген иртән ир-атның гәүдәсен эзләүгә водолазлар кереште.