Тракторчы руль артында исерек килеш тоткарланган

13 февраль кичендә ир-ат исерек килеш тракторда Октябрь-Бүләк авылы буйлап бара. Аны полиция экипажы күреп ала һәм туктавын таләп итә башлый, әмма ир-ат туктамый.

Бер полицейский трактор баскычы буйлап менә башлагач, шофер аның күкрәгенә аягы белән тибә һәм тегесе җиргә егыла. Нәтиҗәдә, тәртип сакчыларына төрле кисәтүләрдән соң трактор тәгәрмәчләренә атарга туры килә. Полицейскийларның берсе арткы пыяла аша кабинага кереп, шоферны тоткарлый.

Әлеге ир-ат җинаять кылуга катнашы барлыгын тулысынча таный. Тиздән ул суд каршына басачак.