Татарстанда Росгвардиянең ведомстводан тыш сак хезмәте наряды автомобиль урлауда шикләнгән ирне тоткарлаган

17 майда иртән иртүк Васильево бистәсендә патрульлек итүче Яшел Үзән эчке эшләр идарәсенең тоткарлау төркеме наряды полициядән, икмәк комбинатыннан ерак түгел билгесез гражданнарның автотранспорт чарасына ия булуы турында хәбәр ала. Вакыйга турында мәгълүмат Эчке эшләр территориаль органының дежур частенә урланган машина хуҗасыннан килгән.

Росгвардиячеләр җинаять кылу урынына оператив рәвештә килеп җитәләр, анда 40 яшьлек зыян күрүче аларга һәлакәт шартларын аңлаткан. Төнлә ир үзенең автомобилендә барганда, шикләнелүче зат иптәше белән аны машина йөрү юлында туктатып, якындагы тәүлек буе эшли торган киоскка кадәр алып баруын үтенә. Автомобиль хуҗасы берничә йөз метр юл үткәч, ирдән машина ачкычын бирүне таләп иткән, ә баш тарткан очракта, аны багажникта яшерү белән янаган. Куркып калган зыян күрүче ачкычын җинаятьчегә бирә. Шикләнелүче корбанны урамда калдыра һәм урланган транспортта билгесез юнәлештә юк була.

Хокук сакчылары җинаятьченең билгеләрен ачыклаган һәм автомобиль хуҗасы белән бергә урланган машинаны эзләп бистәне әйләнеп чыга. Бер сәгатьтән соң хокук сакчылары эзләнә торган автомобильне Лагерная урамы буенча урнашкан шәхси йорт янында табып ала. Рульдә 1994 елда туган җирле кеше була. Зыян күрүче аны таный. Егетне алга таба тикшерү өчен полиция тикшерү-оператив төркеменә тапшырганнар. Автомашина зыян күрүчегә тиешле хәлдә кайтарылган. Тоткарланган затка карата РФ Җинаять кодексының 166 статьясында каралган җинаять составы билгеләре буенча җинаять эше кузгату мәсьәләсе хәл ителә.