«Счетчик»ка куярга теләдек: Яшел Үзәндә үтерелгән таксист өчен яшь «пассажирларны» 10 елга кадәр срок көтә

Яшел Үзәндә таксист Александр Кротовны үтерүдә гаепләнүче укучы һәм көллиятнең ике студенты җинаять эше судка барып җитте. 2020 елның сентябрендә машина йөртүченең гәүдәсен машинасы багажнигында бәйләнгән һәм яртылаш чишендерелгән килеш табалар.

Тәүлектән соң аның соңгы өч пассажирын тоткарлыйлар. Алар барысы да ноябрь һәм декабрь айларында ук гаепләрен таный, аларның сүзләре буенча, үтерү очраклы килеп чыккан, таксистны куркытып, счетчикка гына куярга теләгәннәр. Эш буенча сораштырылучыларның кайберләре белдергәнчә, гаепләнүче балалар Яшел Үзәннең «Подгорновские» оешкан җинаятьчел төркеме әгъзалары.

Җинаятьләрен тикшергәндә бу «өчлеккә» 15, 16 һәм 17 яшь булган. Кечесе тоткарланганчы Яшел Үзән мәктәпләренең берсендә 9нчы сыйныфта укый, зурраклары Яшел Үзән көллиятендә логист һәм программист һөнәрен үзләштерә.

Бу эштә зыян күрүчеләр статусын мәрхүм таксистның әнисе, әтисе, апасы һәм кызы алды.

Закон балигъ булмаган тоткыннарның хокукларын яклый - аларның исемнәрен һәм фамилияләрен фаш итү, аларның затларын бастырып чыгару хокукы юк. Ә суд яшь гаепләнүчеләрнең эшләрен ябык режимда, законлы вәкилләре — хөкем ителүчеләрнең туганнары катнашында карауны, ә гаепләү карары чыгарылган очракта, артык катгый җәза бирмәүне йөкли торган Җинаять Кодексы белән бәйле. Шулай итеп, бер төркем затларның алдан сүз куешып талау (РФ ҖК 105 маддәсенең 2 өлеше «ж» п.) белән бәйләнгән үтерүе өчен балигъ булганнарга 8дән 20 елга кадәр, хәтта гомерлеккә дә колония яный. Балигъ булганнарны дүрттән дә ким булмаган һәм 10 елдан да артмаган срокка колония көтә.

Суд процессы башында сак астында тоту вакыты тагын өч айга — 12 ноябрьгә кадәр озайтылды. Бу хакта Яшел Үзән районы прокуроры ярдәмчесе — дәүләт гаепләүчесе Алсу Захарова үтенгән.

Җинаять эшен карау һәм гаепләүне игълан итүгә күчә алмаганнар — хөкем ителүчеләрнең законлы вәкилләренең судка повестка алмаулары һәм билгеләнгән утырыш турында адвокатлардан гына белүләре ачыкланган.