Машинасында суррогат хәмер табылган
1 декабрьдә иртәнге уннар тирәсендә Яшел Үзән ЮХИДИ хезмәткәрләре «Йошкар-Ола – Яшел Үзән» автомобиль юлының 115нче чакрымында Осиново авылында яшәүче 20 яшьлек ир-егет йөртүендәге «Лада Калина» автомашинасын туктата.
Юл-патруль хезмәте инспекторлары шикләнеп, туктатылган машинаның багажнигын тикшерергә була. Ачтырып карасалар, анда маркировкасыз 5әр литр күләмендә спиртлы сыеклык тутырылган 4 пластик савыт табыла.
Нәтиҗәдә, тикшерү алып бару өчен тоткарланган егетне Яшел Үзән районы эчке эшләр бүлегенә китерәләр. Ул полиция хезмәткәрләренә эчемлекне үз ихтыяҗлары өчен танышларыннан сатып алдым дип аклана.
Хәзерге вакытта алынган продукция экспертиза үткәрү өчен тиешле эксперт оешмаларына тапшырылган. Тикшерүләр нәтиҗәсе ни күрсәтер, әлегә әйтеп булмый. Шулай да, моның кадәр күләмдәге эчемлекнең үзең өчен алу да, аның документсыз-нисез, маркировкасыз булуы да сораулар тудыра. Әлегә төгәл җавап юк, әмма булачак.
Следите за самым важным и интересным в Telegram-каналеТатмедиа
Нет комментариев