Кукмарада полицейскийларга пычак белән һөҗүм иткән яшүсмернең үги әтисен кулга алдылар

Кукмара район суды полицейскийларга пычак белән һөҗүм иткән яшүсмернең үги әтисен 30 декабрьгә кадәр кулга алды. Бу хакта “Татар-информ” мәгълүмат агентлыгына үз чыганакларыннан билгеле булды.

Марат Җамалиевның сак астына алынуы турында тикшерү гариза биргән. Кукмара районы прокуроры вазыйфаларын башкаручы Рамил Зәйнетдинов үтенечнамәне хуплады.
Элегрәк без 30 октябрьдә Кукмарада полицейскийларга пычак белән һөҗүм иткән җинаятьчене юк итүләре турында хәбәр иткән идек. Уналты яшьлек егет яндыру катнашмасы салынган шешәләрне полиция бүлеге территориясенә ыргытып, качарга маташкан иде. Хокук сакчылары аны куып тота, ләкин ул тоткарлануга актив каршы тора һәм полицейскийларның берсен пычак белән яралый.

Агрессив яшүсмерне тынычландыру өчен хокук сакчыларына табель корал кулланырга мәҗбүр була, һәм тегесе алынган җәрәхәтләрдән үлә.
Соңрак һөҗүм урыныннан видео пәйда була.

"Террорчылык актына һөҗүм" һәм "Хокук саклау органы хезмәткәре тормышына һөҗүм" маддәләре буенча эшне тикшерүне аерым контрольгә ТР Прокуратурасы һәм Татарстан Президенты алды.

Яшүсмер экстремизмга авышкан кебек исәптә тормаган. Моннан тыш, агентлыкка үсмернең әтисе Марат Җамалиевның газүткәргечне шартлату өчен хөкем ителүе билгеле булды. Аны тоткарлыйлар. Җамалиев белән бергә тагын бер ир-ат тоткарланган, ул аның белән газүткәргечне шартлату эше буенча барган һәм аның кафесында эшләгән.