ЮХИДИ Бер атна эчендә юлларда 214 тапкыр кагыйдә бозу очрагы теркәлгән

Йошкар-Ола – Казан юлында «Хендай» автомобилен йөртүче 25 яшьлек ир-ат төп юлдан килә торган «Рено Сандеро» автомобиленә юл бирмәгән. Нәтиҗәдә «Рено» пассажирлары – 6 һәм 14 яшьлек балалар зыян күргән. Бер тапкыр медицина ярдәме күрсәткәннән соң аларны өйләренә кайтарып җибәргәннәр. Билгеләнгәнчә, пассажир балалар автокреслода утырганга һәм иминлек каешы эләктергәнгә күрә генә җиңелчә җәрәхәтләнгән.
Шәһәрнең Гоголь урамында билгесез автомобиль җәяүлеләр кичүеннән чыгып барган
13 яшьлек кызны бәрдереп, шул урыннан качып киткән. Эзләүләр нәтиҗәсендә автомобильченең шәхесе ачыкланган. Ул «Хендай Солярис» автомобилен йөртүче 27 яшьлек ир-ат булып чыккан.
Осиновоның Майская урамында «Рено Сандеро» автомобилен йөртүче 26 яшьлек ир-ат
9 яшьлек велосипедчыны бәрдергән. Яшүсмернең баш мие селкенгән, бәрелгән урыннары булган, дәваханәгә озатканнар.