272 тапкыр юл йөрү кагыйдәсе бозылган. 18ендә матди зыян китерелгән

Йошкар-Ола – Яшел Үзән юлының 119нчы чакрымында «ВАЗ 21074» автомобилен йөртүче 59 яшьлек ир, юл кагыйдәсен бозып, «Мазда 3» машинасын бәрдергән. Нәтиҗәдә, «Мазда» йөртүче 30 яшьлек хатын-кызның бәрелгән урыннары булып, аңа амбулатор дәвалану билгеләнгән. «ВАЗ»ның зыян күргән пассажирлары дәваханәгә җибәрелгән.

Йошкар-Ола – Яшел Үзән – Зур Күлбаш – Дөбъяз юлында «ВАЗ 211340» автомобилен йөртүче 34 яшьлек ир, тизлекне арттырудан, машинасы белән юл кырыена төшеп капланган. Нәтиҗәдә, баш мие җәрәхәтләнгән автомобильчене реанимациягә китергәннәр. Әмма ул алган җәрәхәтләреннән дәваханәдә үлгән. Тән җәрәхәтләре алган пассажиры госпитализацияләнгән.