19 – 25 апрельдә янгын сүндерүчеләр 33 чакыру кабул итеп алган. Шуларның 27се ялган булган

Яшел Үзәннең Рогачев урамындагы йорт фатирының ишегенә ут төртеп яндырганнар.
Шәһәрнең Тукай урамында җылылык трассасы торбасында, билгесез кешеләрнең ут белән саксызлыгыннан янгын чыгып, 10 квадрат метрга зыян килгән.
Шәриф Камал урамындагы йорт мунчасында янгын мичтән чыккан. Нәтиҗәдә мунчаның түшәме янган.
Албаба авылыннан 1 чакрым ераклыкта чокырлыкта ут кабып, 300 квадрат метр мәйданда камыш янган.