“Утсыз төтен булмый”

Җырчы яңа җырына клип та төшереп өлгергән. “Утсыз төтен булмый”, ди. Ни өчен мондый җыр җырлавын Гөлнараның үзеннән сорадык ("Шәһри Казан", Эльвира Шакирова).

-    Гөлнара, ни өчен нәкъ менә шушы темага җырларга булдың?

-    Тапталмаган тема бит. Туй турында җырлар күп, ә кияүгә чыгу турында җырлар бик сирәк.

-    Өченче тапкыр кияүгә чыкмыйсыңдыр бит?

-    Бу җыр юкка гына язылмады, билгеле. Чыгачакмын! Ләкин бу юлы шәхси тормышымны сер итеп калдырачакмын. 

“Мин кияүгә чыгам” җырының авторлары – Роза Мостафиева белән Рәсим Рахматуллин. Клип июль аенда чыгар дип көтелә.