«Өйләнгәннәр, башкаларның башын бутап йөрмәгез»

Үз битендә дә язылучылары бик күп, сорау-җавап формасындагы аккаунтлар да алып бара. Хәзер инде ул танышу-кавыштыру эшенә керешкән. @CHAT.TATAR дигән аккаунт ачкан, анда теләге булган кеше кереп, үзенә сөйгән яр эзли ала.

Ләкин чит-ят күзләр, узып барышлый кереп чыгучылар булмасын өчен, аккаунтка керү түләүле. Яшь чикләве юк. Кимендә 150 сумыңны түлисең дә, таныша башлыйсың, 10 көндә пар табуны вәгъдә итәләр. Сүз уңаеннан, Айсылу үзе дә ире белән интернетта танышкан икән. «ТАТАР ЧАТЫ»нда бары чын-чынлап дус яки пар табарга теләүчеләр генә керсен иде! Өйләнгән яки җитди мөнәсәбәтләрдә булганнар, башкаларның башын бутап йөрмәгез!» дип яза Айсылу.