Зилә Вәлиева: РФ Конституциясенә социаль төзәтмәләр гаиләләрнең иминлегендә чагылыш табачак

РФ Конституциясенә социаль юнәлешле төзәтмәләр Россиядә гаилә үсешенә уңай йогынты ясаячак һәм илдә гаилә тәрбиясенең өстенлеген ныгытачак. Мондый фикерне “Татар-информ” МА ТР Иҗтимагый палатасы рәисе Зилә Вәлиева белдерде.

"Барлык маддәләр, без әйткәнчә, шартлы социаль төзәтмәләр пакеты, ул бөтенләе белән, диярлек, гаиләгә ярдәм итүгә эшли. Минемчә, кабул ителгәндә, булышлык күрсәткәндә, барлык төзәтмәләр гаиләнең иминлегенә йогынты ясарга тиеш», - диде ул.

Шулай итеп, РФ Конституциясенә төзәтмәләр, илдә гаилә тәрбиясе өстенлеген ныгытачак. Тәрбиясез калган балаларга карата ата-аналар бурычларын дәүләт үз өстенә алачак.

Ул билгеләп үткәнчә, бер яктан, дәүләт учреждениеләре челтәре турында сүз бара, ләкин шул ук вакытта, илдә тәрбиягә бала алу практикасы да артты.

"Дәүләт ятим балаларның проблемаларыннан арына алмый, әмма ул үз гражданнарын, шулай ук, алардан читләшмәскә өнди", - диде Зилә Вәлиева.

Төзәтмә гражданнарның гомуми иминлегенә һәм җаваплылыгына эшләячәк, дип ышана ТР Иҗтимагый палатасы рәисе.