Юллы булулары рәхәт

Элеккеге кебек азапланмыйбыз, машина этеп, трактор белән тарттырып ятмыйбыз. Авылга кайтучыларга да бик рәхәт. 
Кибеттән дә өзмиләр, шөкер. Сатучылар килеп кенә тора. Норлаттан атнасына ике тапкыр йомшак күмәч, ипи китерәләр. Рәшит Миңнуллин кичтән һәр йортка кереп, хәбәр итә, аннан гына Норлат пекарнясына заказ бирә. Шулай итеп кемгә күпме кирәк, икенче көнне үк өебезгә тәмле ипи исе тарала. Рәшит тормыш иптәше Роза ханым белән  безне йомшак икмәк белән тәэмин итеп, канәгатьләндереп тора. Саваплы эшләрендә уңышлар, гаилә бәхете теләп калабыз. Авыл халкын гел шулай шатландырып торыгыз.

Гөлсем Нигъмәтҗанова.
Наратлы