Яшүсмерне бәрдереп качкан

Юлларда җәяүлеләр чыга торган урыннарда автомобильчеләргә бик игътибарлы булырга, бөтен кагыйдәләрне үтәргә, ә балалар учреждениеләре яннарында аеруча аек акыл белән эш итәргә кирәклеген белмәгән кеше юктыр. Әмма төрле хәлләр булыр га мөмкин.
1 мартта иртәнге 7 сәгать 40 минутта бер автомобильче Яшел Үзәннең Гоголь урамындагы 11нче мәктәп янындагы юлдан «зебра» аша чыгып барган 17 яшьлек яшүсмерне бәрдереп, урыннан качып китә. Ул җәяүлегә тиз арада ярдәм күрсәтәсе урында, җаваплылыктан куркып, ничек тә булса эзен суыту ягын карый. Тик хокук сакчылары качкын автомобильчене тиз таба. Аның «Рено Сандеро» автомобилен йөртүче 57 яшьлек хатын-кыз булуы ачыклана.
Бәхеткә, зур җәрәхәтләр алмаса да, яшүсмернең бәрелгән урыннары күп була. Аңа ашыгыч медицина ярдәме күрсәтелә. Хәзер әлеге фаҗига буенча тикшерү алып баралар. Ничек кенә булмасын, автоледи шәһәрнең шундый зур урамында һәм өстәвенә, «зеб ра» юл билгесендә җәяүлегә өстенлек бирмичә зур хата ясаган, тупасларча юл йөрү кагыйдәсен бозган һәм ярдәм күрсәтергә дә ашыкмаган. Бик кызганыч.