“Яшел Үзән”леләр өмәдә катнашты, ә сез?

Әлбәттә, инде күп кенә авылларда билгеләнгән датаны көтеп утырмадылар, әллә ничә тапкыр күмәкләп чыгып, авыл урамнарын, тирә-юньнәрен тәртипкә китерделәр. Ә һәрбер хуҗалык инде ул кар эреп беткәч үк, болай да йорт-бакча тирәләрен чистарта. Пөхтә һәм уңган халык бит без, гомер-гомергә шулай булган.
Ә язын җыештыру бик тә кирәкле гамәл. “Яшел Үзән” газетасы редакциясе хезмәткәрләре дә бүген Бөтенроссия өмәсенә кушылды. Барыбыз бергә күңелле итеп җыештырганнан соң, тирә-юнебез тагын да матурланып, ямьләнеп калды. Безнең дә кәефләр күтәрелде.
Дуслар, ә сез өмәгә чыктыгызмы?