Яшел Үзәндә янгын аркасында ике бала белән гаилә йорт-җирсез калган

Яшел Үзәндә янгын аркасында ике бала белән гаилә йорт-җирсез калган.

Кичә Завод урамында шәхси йорт территориясендә янгын чыккан.

«Алты яшьлек кыз һәм дүрт яшьлек малай мунчадан соң өйдә була. Әниләре мунчада чакта янгын исен сизеп алган. Хатын ут торакны ялмап алганчы балаларны йорт территориясеннән чыгарып өлгерә», - дип сөйләде бу хәл шаһиты агентствога.

Нәтиҗәдә, янгын шәхси торак йортны юк иткән.
 

«Татар-информ» мәгълүмат агентлыгыннан алынды.