Яшел Үзәндә яна торган йорттан сабый баланы коткарганнар

Яшел Үзәндә яна торган йорттан янгынны күреп алучылар 2017 елгы сабый баланы алып чыккан. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

22се көнне иртән Яшел Үзәндә Серов урамындагы 7 нче йорт чарлагы һәм җиңел янкормасы янган. Янгын 80 квадрат метр мәйданны тәшкил иткән.

Беренчел мәгълүматлар буенча, янгын электр җиһазларын куллану кагыйдәләрен бозудан килеп чыккан.

 Фото: Султан Исхаков