Яшел Үзәндә «Полукамушки» тарихи кварталының 11 йортын аукционга чыгардылар

Яшел Үзән районы башкарма комитеты муниципаль милекне сату буенча ачык аукционнар үткәрү турында игълан итте. Сүз «Полукамушки» тарихи кварталының 11 йорты турында бара, июнь азагында 5 йортны алганнар инде.

Сатуга 11 күчемсез мөлкәт объекты тәкъдим ителде: бу - Яшел Үзән шәһәре үзәгендә «Француз акционерлык җәмгыятенең (Полукамушки) торак йортлары» истәлекле урыны чикләрендә урнашкан, җир кишәрлекләре булган ике катлы торак булмаган биналар.

Аукцион sale.zakazrf.ru электрон мәйданчыкта үткәрелә. Аукцион үткәрү шартлары турында тулырак мәгълүмат Россия Федерациясенең www.torgi.gov.ru рәсми сайтында (торглар үткәрү турында мәгълүмат урнаштыру өчен) урнаштырылган.

Аукционнар 2022 елның 22 һәм 25 июленә билгеләнгән.

Аукционда катнашу өчен гаризалар кабул итү 2022 елның 19 һәм 20 июльләрендә тәмамлана.