Яшел Үзәндә Гадәттән тыш хәлләр комиссиясенең Хач ману бәйрәменә әзерлек һәм янгын куркынычсызлыгы мәсьәләләре буенча утырышы узды.

19 гыйнварга кадәр бер атнадан да азрак вакыт калды. Бәйрәм чараларына әзерлек инде тулы көченә бара. Алдан ук коену җайланмалары өчен урыннар билгеләнә, территорияне чистарту, киенү, җылыну һәм туклану урыннары, автотранспортны кую мәйданчыклары урнаштыру буенча эш алып барыла. Яшел Үзән районында барысы 8 коену урыны булачак, анда барлык теләүчеләр тәһарәт йоласын кыла алачак. ЮХИДИнең Яшел Үзән инспекторлык бүлеге җитәкчесе Сергей Евсеев хәбәр иткәнчә, иртәгә барлык урыннарны да водолазлар тикшерәчәк һәм ЮХИДИ хезмәткәрләре куркынычсызлык предметына (калынлык, боз структурасы, яктылык, коймалар һ.б. норматив таләпләргә туры килү) тикшерәчәк. Бәйрәм коенуын уздыру чорында урыннарда Гадәттән тыш хәлләр министрлыгы, полиция хезмәткәрләре, ашыгыч медицина ярдәме бригадалары кизү торачак.

"Эш көннәрендә дә, бәйрәмнәрдә дә янгын куркынычсызлыгы чаралары турында онытмаска!" - бу хакта кабат һәм кабат гадәттән тыш ведомство хезмәткәрләре искә төшерә. Гадәттән тыш хәлләр комиссиясе утырышында янгыннар белән бәйле вәзгыять турындагы доклад белән ЯҮМР буенча күзәтчелек эшчәнлеге һәм профилактик эш бүлеге башлыгы Радик Ардыханов чыгыш ясады. Ул соңгы тапкыр кеше үлеменә китергән янгынны искә төшерде. Исерек халәтендә тәмәке тартканда ут белән саксыз эш итү аркасында Норлат авылында яшәүче 68 яшьлек кеше һәлак булды. Радик Ардыханов хезмәт, оешма, авыл җирлекләре җитәкчеләрен янгын куркынычсызлыгы мәсьәләләренә аерым игътибар бирергә һәм янгын чыгуны кисәтүгә юнәлтелгән профилактик чаралар комплексын уздырырга өндәде. Янгынга каршы хезмәт хезмәткәрләре фикеренчә, иң нәтиҗәле чараларның берсе - автономияле янгын хәбәрчеләрен урнаштыру, алар янгынны вакытында сизәргә һәм кешеләрнең тормышын коткарырга мөмкинлек бирә. Соңгы елларда район территориясендә 3 мең датчик куелды инде. Бу приборларны социаль хезмәткәрләр белән берлектә урнаштыру быел да булачак.

Резеда Йосыпова, Яшел Үзән янгын сүндерү-коткару гарнизоны матбугат хезмәте