Яшел Үзәндә эшләнгән танкер Кара диңгез флоты составына керде

Көньяк хәрби округның матбугат хезмәте билгеләп үткәнчә, "Андреев флагы күтәрелү алдыннан аны изгеләндерү чины үткәрелгән". Хәзер танкер экипажы махсус курс бурычларын үтәячәк, аларны тапшырганнан соң хәрби әзерлекнең планлы бурычларын үти башлаячак.

"Вице-адмирал Паромов" кече диңгез танкеры 03182 проектының баш судносы булып тора. Аңа нигез 2016 елның 1 сентябрендә салынган һәм 2018 елның 20 декабрендә суга төшерелгән. Аның "Борис Аверкин" “кардәше” Түбән Новгородта төзелүен дәвам итә. Күпмаксатлы судно сыек, коры һәм разрядлы йөкләрне ташу өчен билгеләнгән. Шул ук вакытта ул Ка-27 һәм пилотсыз очу аппаратларын кабул итә ала.

Танкер су өсте корабльләренә ягулык һәм ягулык-майлау материалларын күчерергә, аларга төрле йөкләр тапшырырга, шулай ук пычранган (нефть белән) сулар һәм каты калдыклар тапшырырга сәләтле.

Моннан тыш, "Вице-адмирал Паромов" суднолар йөреше һәм балык промыселы районнарында авария-коткару дежурлыгын патрульләргә һәм алып барырга мөмкин. Arc4 көчәйтелгән боз класслы корпусы аңа боз калынлыгы 0,6 метрдан 0,8 метрга кадәр булган арктик диңгезләрдә хәрәкәт итәргә мөмкинлек бирә, дип билгели flot.com порталы.

78,8 метрлы танкер тулы 3 500 тонна су сыйдырышлы. Йөзү ераклыгы 1500 диңгез миленә җитә, автономлык 30 тәүлек тәшкил итә. Экипаж 24 кешене үз эченә ала, бортта өстәмә рәвештә тагын сигез кеше урнаша ала.