Яшел Үзән янгын сүндерүчеләренә яңа техника ачкычларын тапшырдылар

Россия гадәттән тыш хәлләр министрлыгы башлыгы урынбасары, генерал-лейтенант Николай Гречушкин һәм Татарстан Республикасы Премьер-министры Алексей Песошин 14 берәмлек янгын-коткару техникасы ачкычларын тапшырдылар.
Шушы яңа машиналарның берсе - КАМАЗ шасси базасында янгын автоцистернасы тиздән Яшел Үзән шәһәренең 53нче янгын сүндерү һәм коткару бүлегендә хәрби дежурлыкка басачак.

Ул федераль бюджет акчалары хисабына сатып алынган. Николай Гречушкин автомобиль ачкычын ПСЧ-53 башлыгы Эдуард Мөхәммәтҗановка тапшырды.
- Әлеге техника бүлекчәләрнең халыкка вакытында ярдәм күрсәтергә, янгыннарга һәм һәлакәтләргә вакытында килергә мөмкинлек бирәчәк.
 

- Мин шәхси составка бу техниканы иң кыска вакыт эчендә үзләштерергә, аны нәтиҗәле кулланырга һәм озак еллар хезмәт итүен телим, - дип билгеләп үтте Россия гадәттән тыш хәлләр министры урынбасары.

 КАМАЗ шассие базасында АЦ янгын сүндерү автоцистернасы 3,2-40/4 өстенлекләргә ия. Автомобильнең тулы китерелеше начар юл шартларында һәм кышкы чорда кирәкле юл үтемлелеген һәм идарә ителешен тәэмин итә. Өстәмә төзелеш элементлары белән идарә итү (янгын сүндерүче насос, лафет кәүсәсе, баскычлар һәм тоткалар, проблеск маяклары һ.б.) электрон идарә системасы аша хәрби исәп кабинасыннан һәм насос отсегыннан дистанцион йөртүче тарафыннан башкарыла. Водобак, коррозияне бетерү һәм озак вакытлы эксплуатацияләүне тәэмин итү өчен, полипропиленнан һәм пыяла пластикадан әзерләнә.

Резедә Йосыпова.