Яшел Үзән велосипедчылары - Россия Кубогына ия!
Самарада узган Россия чемпионаты беренчелегендә, һәрвакыттагыча, Татарстан җыелма командасы флагы астында чыгыш ясаган Яшел Үзән велосипедчылары үзләрен яхшы яктан күрсәтте.
Хатын-кызлар арасында икенче һәм өченче урыннарны спорт мастерлары Дарья Гордеева һәм Анастасия Журавлева яулады, 15-16 яшьлекләр арасында бронза медаль Владислав Селиверстовта. Икенче көнне биредә «Триал – 20» Россия Кубогы да үткәрелде (әлеге сан дюймдагы тәгәрмәч диаметрын аңлата). Бу юлы безнең кызлар пьедесталның беренче һәм икенче баскычларында урнашты. Ир-атлар арасында безнең шәһәр вәкилләре арасында иң яхшы нәтиҗәне Марат Зыятдинов күрсәтте, ул-иң көчлеләр бишлегендә.
Ярышларда Мәскәү, Волгоград, Самара һәм Яшел Үзәннән 50гә якын спортчысы катнашты. Безнең спортчыларны «Бригантина» 6нчы спорт мәктәбе тренер-укытучылары, ирле-хатынлы Леонид Борисович һәм Людмила Алексеевна Петровлар әзерләде.
Следите за самым важным и интересным в Telegram-каналеТатмедиа
Нет комментариев