Яшел Үзән-Васильево аралыгындагы тимер юл кичүе вакытлыча ябылды

10 июньнән Горький тимер юлында Яшел Үзән – Васильево аралыгындагы 764 нче чакрымдагы тимер юл кичүендә автотранспорт хәрәкәте вакытлыча туктатылды. Бу турыда “РТЮ” ААҖ филиалы – Горький тимер юлының Казан төбәге матбугат хезмәтенә сылтама белән «Татар-информ» хәбәр итте.

Тимер юл кичүе ремонт эшләре башкару сәбәпле ябыла, диелгән әлеге хәбәрдә.

Горький тимер юлы автомобиль транспорты йөртүчеләр маршрутларын планлаштырганда әлеге мәгълүматны исәпкә алуларын һәм вакытлыча уңайсызлыкларны аңлап кабул итүләрен сорый.