Яшел Үзән сөт комбинаты Халыкара Гаилә, мәхәббәт һәм тугрылык көне белән котлый

Яшел Үзән сөт эшкәртү комбинаты безнең районның тәрбиягә бала алган гаиләләрне Гаилә, мәхәббәт һәм тугрылык көне белән котлады һәм гомуми авырлыгы 315 кг булган 57 продукция җыелмасы тапшырды.

Бүгенге көндә Яшел Үзән районында тәрбиягә бала алган 38 гаилә яши, шуларның 18е — күп балалы. Тәрбиягә бала алган балаларның гомуми саны-96. Һәр гаилә комбинаттан бүләк итеп, сөт, атланмай, эремчек, каймак, катык һәм «Обнимама» балалар продукциясен үз эченә алган сөт продукциясе җыелмасын алды.

Яшел Үзән районының иң зур тәрбиягә бала алган гаиләсе - Наил Рәшит улы һәм Рәисә Рәшит кызы Латыйповлар-Минуллиннар. Аларның гаиләсендә 15 бала тәрбияләнә, шуларның 13е — тәрбиягә алган балалар. Иң кечкенәсенә 6 яшь.

Наил Рәшит улы һәм Рәисә Рәшит кызы Татарстан республикасының "Тәрбиягә бала алган ата-аналар ассоциациясе"нең актив әгъзалары. Әтиләре Наил «Ак Барс» кошчылык комплексының Яшел Үзән филиалында йөк төяүче булып эшли һәм тәрбиягә бала алган әтиләр җәмгыяте рәисе булып тора.

Әнисе Рәисә Норлат авылында балалар йортында педагог булып эшли һәм Яшел Үзән районының «Рассвет» тәрбиягә бала алган гаиләләр клубын җитәкли. Латыйповлар-Минуллиннар гаиләсе комбинатка күрсәтелгән ярдәм өчен рәхмәт белдерде.

- Яшел Үзән районының барлык тәрбиягә бала алган гаиләләре исеменнән комбинатка бүләкләре өчен рәхмәт белдерәбез! Хис-тойгыларыбызны, шулай ук балаларның мондый игътибардан булган шатлыгын һәм соклануын җиткерү өчен сүз юк!» - дип рәхмәтен белдерде Рәисә Рәшит кызы.

Икенче ел комбинат Татарстанның медицина, социаль һәм хәйрия учреждениеләренә актив ярдәм күрсәтә. Бу вакыт эчендә «ЗМК» АҖ продукциясен Татарстанның балалар йортларында тәрбияләнүчеләр, «Ярдәм» фонды карамагындагы балалар, Яшел Үзән бала тудыру йорты һәм хатын-кыз консультацияләре хезмәткәрләре, Казан балалар госпиталенең, республика клиника хастаханәсе һәм Яшел Үзән район үзәк хастаханәсенең вакытлыча йогышлы госпиталенең хезмәткәрләре, Яшел Үзән, Чистай һәм Буа ашыгыч ярдәменең хезмәткәрләре, балалар клиника хастаханәсенең онкогематология бүлеге һәм Анжела Вавилова исемендәге Казан хосписының пациентлары алды.